Lyrics
أرسم وهران دهر زمان
سيدي الهوّاري الإشارة
و في مرجاجو حارو لعيان
من دادا يوب للشّرشارة
كان ديفار و كي العبر ميزان
كويفا لاوا و مدوّرة دارة
سيدي محمد ڨبّة لحسان
فوڨ ساريج الدوكارة
وراس العين بين الطّرڨان
مول الدّومة والحمّارة
من بلانتار لا ڨار يبان
زيد الڨدّام لسكاليرا
عڨبة زاباك فوڨ الباح زاين
نواحي الدّرب والقنطرة
الري دو فيليب والري دو جردان
وبسترانة للخضارة
جبل مونتانيكا حتى المكان
عسّاس على باب الجيّارة
طريق وجدة وطريق تلمسان
بويويو عند الرّاكس ڨارا
طريق الكمين غير الألوان
والطورو وباب الحمراء
شوبو مساميه بن نعمان
والسنوسي والڨبّة الخضرة
بيتي ومرافال جنان
واد مرسيلو والصبّارة
بولونجي ومعيز ميريقوان
ڨاراج الرّيفي ذيك الصفراء
هوّد للكرطي ساليقان
ينعرفو بالشّاشية حمراء
لو باري قدّامه سيلفان
مّوالين العطور والفخّارة
عنتر مول الكسوة والكتّان
صنادل وصبابيط عند بوشارة
زوج سبوعة عند البيبان
وفي السّاحة مول الصوّارة
قهوة حبيش قهوة عربان
في جنبها قاعة الكاميرا
قهوة الغالي ومول الدخّان
والوداد جاية من الدّورة
ڨارقينطا رفيقي و اخوان
والرّومية والعود الصفراء
للبلاطو من ثم طلع نيشان
سيدي البشير والمقبرة
في دار العجب كل فنّان
معاها تفتيش الخبراء
مدرسة الفلاح للقرآن
تفسير الآية والصورة
روح ونزل حتى مول الفران
تبان الطّحطاحة نوّارة
والقهاوي ضاوية بالشجعان
وكلّ أنواع التجارة
والكاليشات في كل مكان
للأفراح ولا للزّيارة
ليزمو قناوي مع كاسان
فريق عرب ضد النصارى
موسى وفن فنون في الميدان
وبوجلال يربّح مباراة
بختي وبلعيد هذوك اثنان
و المصيبح شبّاك الجرّارة
و ليطوال نور أفريكان
رحّال قايدها بالصّفارة
في سيدي بلال تلڨى الشبّان
زاهيين بايتين سهارى
براريد مستّفة والكيسان
عند بوشعّالة و عمّارة
و التّازي هذاك اللبّان
خيار الحليب نتاع البڨرة
طريق الصيّاغة وبن جمال
حمر العين والجوهرة
كارنا مشهورة فالكاران
بسنيواتها فوّارة
فوق سيدي عقبة و الرحى جيران
كانو يغسلو الهيدورة
صلاناز مع صطاطوان
طابعهم بولفار ماسكارا
سيدي الحسني وعدة وفرسان
زويجات وكرابن جمّارة
سبّالة الطلبة وعمّي نعمان
حكومة القاضى والسمسارة
هذوك ثلاثة صحاب الغيوان
مزهيين حُضّارة القصرة
بن يمينة وسي احمد فنّان
و هرناندو يدير في الشكارة
جنان شاطو غير فلان وفلان
وڨباله تشوف الدّارة
والحمري ولاده ڨدعان
افوني لامور بلاصة صّحرا
طريق اللّوز وطريق الحسيان
الرّي رواز وبو ڨندورة
و من سبّالة بوزيان
لمديوني مول الشّجرة
ڨمبيطة ومع سانتوجان
وفالبركي تلڨى البحّارة
وبتيلاك هذا منين كان
بالشّجعان صحاب الشّفرة
هاذي وهران كان يا مكان
ڨالو عليها شيوخ و شعراء
يتفاجى فيها اللّي غيضان
عٌمر ضيفها ما يڨعد برّا
أبواب معروفة في كل مكان
بإسم الباهية ياك مشهورة
فيها الهناء وفيها الامان
تعجب بزّاف في النّظرة
WRITERS
Maamar Benchenat
PUBLISHERS
Lyrics © O/B/O DistroKid, Sentric Music
See A Problem With Something?
Lyrics
Other
